كلمآت ألبوم جنآت ..~ حب أمتـلآك ~..

السلآم عليكم ورحمه الله وبركآته

حب امتلاك

اتقالى عنه ياريت تحاولى تحاسبى منه
دا كتير بيوعد بس مابيوفيش بوعد
اديته فرصة يحبنى عرفت انه
كان ناوى نتصاحب شوية وننسى بعض
ماكنش ناوى خير يوميها ياقلبى ليا
وماكنش ناوى خير من الاول معاك
يادوب دا كان بيرضى بس غروره بيا
وحبه ليا ياقلبى كان حب امتلاك
مش فاهمة ازاى وليه عدت عليا
وانا غلطتى ان مشاعرى خلتنى اندفعت
لما اتعاملت معاه بطيبة وبحسن نية
كانت النتيجة ان النهاردة لاقيتنى ضعت

~~~~~~~~~~~~~~~~~~~~

أنا دنيته

انا دنيته بحالها وحياته كلها انا اهله وانا ناسه وروح قلبه وحبيبته
انا اللى لو يغلط مسامحه ف حقها وانا اللى لما يغيب عليها ترد غيبته
انا الحضن اللى من تعبه بيهرب ليه انا اللى قلب من خوفه بيتحامى بيه
انا مش واحدة بتحبه وبتموت فيه انا بموت ف التراب اللى بيمشى عليه
انا عمرى ماتغيرت يوم من ناحيته وانا اللى راضية تنصفه لو كان ظالمها
وانا اللى لما بيشتكى من وحدته يبقى مع قلبى وروحى اصحابه يومها

~~~~~~~~~~~~~~~~~~~~

على فكرة

على فكرة ماقولتليش كلام حلو النهاردة
ماتجيش بقى تطلب حاجة منى وعايزنى اعملها وارضى
من مدة ماجبتليش ياحبيبى انشالله وردة
بقيت تشوفنى وماتقوليش ياحبيبتى ايه القمر دا
انا تكسبنى يادوب بكلام يتقالى لو 100 مرة
ياسيدى بين أى اهتمام لاامشى انا مش مضطرة
اصل انت اللى معودنى ع الدلع دا وبتهاودنى
كلمة حلوة يادوب تسعدنى من غيرها حياتى باردة
انا طبعا ماقداميش غير انى اتقل ولا ابين
غلطان قوى اصلك تملكنى بكلمتين وانت حنين

~~~~~~~~~~~~~~~~~~~~

اسمع كلامى

اسمع كلامى وصدقه انت اللى روحى بتعشقه
كان حلم نفسى احققه انى ابقى ليك
قربنى منك ضمنى اد اما احبك حبنى
من غيرك انت يهمنى دا انا روحى فيك
ملهوفه عليك ومسلمه تقدر تقول مستسلمه
حاسه انى طايره ف السما واخدنى الشوق
متحيره ومتغيره وكإنى لسه صغيرة
لو بحلم انا م الحلم دا مش عايزة أفوق
لحظة حنان لحظة ما شوفتك وقتها
وباعلى صوت انا قولتها هفضل معاك
جنبك طريقى هكمله لو لسه عمرى ف أوله
المستحيل انا هعمله علشان هواك

~~~~~~~~~~~~~~~~~~~~

الطفلة البريئة

الطفلة البريئة المغمضة بقت م النهاردة مش كدا
بقت واحدة تانية متمردة والفضل ليك
الطفلة اللى فيا اتغيرت عقلت واديها اتشطرت
كانت بين ايديك واتحررت من بين ايديك
الطفلة اللى كانت لعبتك ومن ضعفها جت قوتك
اهى اتغيرت من ناحيتك والبركة فيك
الطفلة المطيعة اللى سلمت طلع ليها صوت واتكلمت
كانت لعبتك واتعلمت تلعب عليك
مافيش فايدة فيك ولا فيه أمل لاجايز ولا بقى محتمل
ماهو اللى هيعمل كان عمل حاجة من زمان
فاضل بنا ايه نتشدله فاضل بنا ايه هنكمله
دا بينك وبينى اتقفلوا كل الببان

~~~~~~~~~~~~~~~~~~~~

عشان خاطره

عشان خاطره ياما سمعت الكلام ومن غير كلام
قوام بعمل اللى يقولى عليه
مابزعلش منه لو ازعل معاه وعايشة برضاه
وسايباله نفسى أمانة ف ايديه
ولو قاللى ايه مابسألش ليه مابقولش انا تلت التلاتة كام
انا ساكتة اهو ومابقولش يوم على حاجة لأ
وكلامه يمشى على قلبى وعليا
من غير ماياخد رأيى موافقه ومعاه
انا من ايده ديا لإيده ديا

~~~~~~~~~~~~~~~~~~~~

مين بيعيش

مين بيعيش اكتر من عمره مين عارف قدره
علشان ياحبيبى نضيع يوم ف البعد
ليه دا زمان كان اللى يشوفنا
يحلف بحياتنا وان احنا لبعض
ازاى بنضيع من روحنا واحنا موافقين بالساهل
لو مش هنخاف على روحنا ف الدنيا دى ايه يستاهل
ايامنا ساعات وتفوت ويإما نعيش يانموت ازاى ساكتين
فين من يوم انا وانت بعدنا ايه اللى جرالنا
دا انا فاكرة غيابك عنى حكاية وقت
شوف بنموت ازاى من شوقنا
مش كنا زَمّنا عايشين دلوقت

~~~~~~~~~~~~~~~~~~~~

ضمنى بعيونك

ضمنى بعيونك حسسنى بحبك ليا قرب نور لياليا
فيه اجمل ايه ف الدنيا غير انى ف حضنك اعيش
انا عشت سنين استناك دا الحب اللى انا بتمناه
كان قبلك ضايع عمرى وماكنتش يوم عيشاه
ولاهقدر اعيش بعديك ولا قلبى يكون غير ليك
ولا كل الكون بيساوى لهفتى وحنينى ليك
دا اللى اتمنيته والحلم اللى انا حبيته وياك عشته وحسيته
ومعاك حبيت الدنيا واتمنيت ماتسيبنيش

~~~~~~~~~~~~~~~~~~~~

لو مرتاحه معاه

انا لو مرتاحه معاه وبعيش ايامى ف حبه وحاسه ان انا لاقياه
ايه اللى يخلينى اعيش من غيره أو أقسى عليه
انا لو مرتاحه معاه وبلاقى ف قربه اللى انا عايزاه واللى انا حاساه
ايه اللى يخلينى ابعد روحى ولا أسأل فيه
بيعاملنى ياناس معاملة مش هيا وراضية بيها
والكلام يادوب على اد السؤال
يرضى مين ف الدنيا ديا ابقى عايشة انا وحدانية
وهوه مابيسألش عنى ولو سؤال
انا استحملت كتير انا عمرى ماكنت استاهل منه دا غير الخير
انا مش ندمانة بس انا زعلانة وخايفة عليه
ماعرفش انا كل دا ليه ايه اللى جراله غير حاله أثر فيه
أساه على قلبى ونساه حبى وعشرتى ليه

~~~~~~~~~~~~~~~~~~~~

جايالك

وجايالك بشوق الدنيا جايالك واحشنى ونفسى اقولهالك
حبيبى ف قلبى شايلالك غرام مايجيش على بالك
وناويالك سنين العمر اعيشهالك حبيبى انا روحى رايحالك
بزعل بس بصفالك بطيبة نفسى سامحالك
قلبى معاك لانسيتك ولا هنساك
لو عنك كنت بعيد على طول بالخير فاكراك
قلبى معاك م الليلة هكون وياك
ده انا هيموتنى الشوق مش قادرة استنى لقاك
فى احلامك هعيش وياك ف احلامك هقاسمك كل ايامك
لآخر عمرى ياحبيبى هفضل عايشة قدامك
وعلشانك اضحى بروحى علشانك ف وقت الجرح انا مكانك
وحتى ف يوم ماتنسانى يعز عليا نسيانك

~~~~~~~~~~~~~~~~~~~~

خيط ضعيف

فيه خيط ضعيف رابط مابنا ودا النصيب
هتخاف عليه هخاف عليه هتسيب هسيب
لحد امتى هخاف لوحدى ياحبيبى
الخيط خلاص مابقاش متحمل رعشة ايدى
لو انت مش عايز نهاية ولسه هماك الحكاية
صبر قلبى بلمسة احس ان انت قريب
انت الشمس بس خلاص قربت تغيب
حاجات كتير سيبناها ضاعوا خلاص بقوا ذكريات
وسنينا اللى تعبناها مافضلش منهم غير لحظات
لحظات بتهدد حكايتنا يانحن يانعلن نهايتنا
بايديك الخيط يقوى ف لحظة والجرح يطيب
او تضعف واضعف ونسلم وتسيب وانا اسيب

» ..~ كلمآت أغنيهـ يــآرآ .:: إنــت منــي :: ~..